Sport

Rayan Raveloson Nisongadina tamin’ny lalao voalohany

Sport
Talata 06 Jolay 2021

Nahavita ny lalao voalohany niaraka tamin'ny kliobany vaovao any Etazonia, Los Angeles Galaxy, omaly i Rayan Raveloson.

Na teo aza ny faharesena tamin’ny isa 2 noho 0 nanoloana ny Sporting Kansas, ao anatin’ny fifaninanam-pirenena, Major League soccer, izay fifaninana goavana indrindra ao an-toerana eo amin’ny taranja baolina kitra, divizionina voalohany, dia azo lazaina ho nampisongadina ity irakiraka afovoany Malagasy ity ny lalao. Nampiseho endri-dalao nahafinaritra ity Barea ity ary nilalao hatramin'ny kiririoka farany. Tafitany soa aman-tsara hatramin'ny 87% ny tolotra nataony rehetra. Naharesy hatramin'ny 80% ny fifanandrinana na “duel” niadiany ihany koa ny tenany, raha ny tarehimarika no jerena.
J. Mirija