Sport

Rayan Raveloson Mitombo hery hatrany

Sport
Zoma 22 Janoary 2021

Mitombo hery hatrany ary hita ho miezaka mametraka ny maha izy azy ao anatin’ny ekipany dia ny Estac Troyes,

divizionina faharoa Frantsay, ilay kintan’ny baolina kitra Malagasy, Rayan Raveloson. Tsy vitan’ny hoe namiratra fotsiny fa tena tsikaritra ho niha nahazo fahafinaretana isaky ny maharay baolina eny am-pela-tongony ity andrin’ny afovoanin’ny kianjan’ny ekipam-pirenena Malagasy ity. Azo antenaina ho lasa lavitra ny tenany satria dia vao avy nandray ny faha 24 taonany ny 16 janoary teo ary efa hadiva hiakatra ny “ligue 1” tsy ho ela intsony koa ny ekipany raha ny vokatra hatreto na dia lavon’ny AJ Auxerre tamin’ny isa tokana 1 noho 0 aza ny alin’ny 20 janoary teo. Lalao izay natao tany Auxerre moa ity farany ity ary azo lazaina ho vintana ihany no nandresen-drizareo Auxerrois na dia tao an-taniny aza satria dia nanindry hatramin’ny farany ny Troyes saingy tsy androny moa.

J. Mirija