Rayan Raveloson

Mbola ho andrin’ny Barea mandritry ny fotoana maharitra

Sport
Talata 18 Martsa 2025

Mizotra hatrany ny fahombiazan’ilay klioban’ny baolina kitra soisa,

BSC Young Boys, miaraka amin’ilay avokavoka malagasy, Rayan Raveloson. Tafakatra eo amin’ny laharana faha 5 ao anatin’ny fifaninanam-pirenena ho an’ny divizionina voalohany ao an-toerana na ny Super League Suisse amin’izao fotoana izao i Rayan sy ny ekipany rehefa nandresy ny Bâle FC tamin’ny isa 2 noho 1 ny alahady teo. Manana isa 43 hatreto ny Young Boys. Raha ny lalao nasehon’i Rayan kosa no resahina dia azo ambara fa mbola ho andrin’ny ekipam-pirenena malagasy na ny Barea mandritry ny fotoana maharitra ary ny hirariana aza dia hoe mandra-paha retiretiny mihitsy ity kapitenin’ny ekipa malagasy ity ao anatin’izao faha 28 taonany izao.
Nangonin’i J. Mirija