Rayan Raveloson

Ao anatin’ny tanjany tanteraka

Sport
Talata 28 Jolay 2026

Ao anatin’ny tanjany tanteraka

amin’izao fotoana izao ilay irakiraka afovoany malagasy eo amin’ny taranja baolina kitra, Rayan Raveloson, raha ny hita tamin’ny fanomanàn-tena niarahany tamin’ny kliobany vaovao dia ilay klioba divizionina voalohany ao Torkia, Amed SK, izany. Klioba izay heverina ho manana ny maha izy azy ao an-toerana izy ity satria dia mitana ny laharana faharoa hatreto eo amin’ny fifaninanam-pirenena ao an-toerana. Hirariana, araka izany, ny hahazoan’ity kapitenin’ny ekipam-pirenena malagasy na ny Barea ity fotoam-pilalaovana betsaka lavitra noho izay azony tao amin’ny Young boys, izay klioba nilalaovany farany tatsy Suisse. 29 taona ankehitriny i Rayan ary mirefy 1,82 metatra. Efa tsy nahazo lalao intsony izy niaraka tamin’ity kliobany teo aloha ity raha namarana ny taom-pilalaovany tao. Irariana sy heverina ho azo antenaina kosa ny hahazoany lalao maromaro miaraka amin’izao kliobany vaovao izao, raha ny vitrika hita amin-dralehilahy tamin’ny fampitàm-baovao voaray omaly aloha.
J. Mirija