Sport

Raux Auguste Efa nahatsiaro tena

Sport
Talata 07 Aprily 2020

Voatery naiditra hopitaly teny amin'ny HOMI Soavinandriana tamin'ny sabotsy 4 aprily lasa teo fa tsy nahatsiaro tena noho ny fahatairana be loatra ka nitarika AVC "fahatapahan'ny lalan-dra " teo aminy ny mpanazatra mpanampin'ny BAREA, Raux Auguste.

Araka ny vaovao voaray dia efa nahatsiaro tena izy ka efa mihatsaratsara ny toe-pahasalamany ankehitriny. Marihana fa efa nandefa teny fankaherezana sy nirary fahasitrahana haingana ho azy avokoa na ny mpitantana ao amin'ny FMF, ny mpanazatra Rene Dupuis, na ireo mpilalaon'ny BAREA toa an-dry Faneva Ima, Dax sy hafa... Tsiahivina fa mpanazatra am-perinasan'ny ekipan'ny Uscafoot i Raux Auguste 65 taona rehefa nandalo tao nanazatra ny ekipan'ny Elgeco Plus sy ny As Adema ary ny Usjf Ravinala.

Ntsoavina Evariste