Sport

Partagé sur :
• facebook

Azo atao tsara ny mandresy ny Tonizia…! Firy ireo ekipa goavana ary natahorana nihaona tamin’ny Barean’i Madagasikara nandritry ny lalaon’ny CAN 2019 ity, saingy,

 lavon’izy ireo avokoa izany, hoy Randrianantenaina Jean Philbert mpanazatra ny klioba KFA.A Andranomahery avaratra. Hiditra amin’ny ampahefa-dalana ny ekipa roa tonta anio ary azo resena tsara izy ireo.

Lanin’ny Barea tsara raha i Tonizia, satria mitovitovy ny lalaon’ny roa tonta ary manatombo amin’ny halavany izy ireo.  Ny atahorana amin’ny ekipantsika fotsiny ny fanafihana ataon’i Tonizia fa mila mailo sy mailaka kosa ny mpanafika sy ny irakiraka afovoany ary milà miverina haingana, hoy ny heviny.Mahay mamono baolina ny Barea, fa mila hamafisina io. Tokony hiaro tena 20 minitra amin’ny fizaram-potoana voalohany isika ary aorian’izay, manao ny “pression” sy fanafihana sesilany. Ny amin’ny fiarovan-tena kosa dia mila mifanampy ary hamafisina ny “defense”.  Tsy tokony hiova ny firafitry ny ekipa eny ambonin’ny kianja, izay efa napetraky ny mpanazatra tamin’ny voalohany ihany. Resintsika 2-1 ny Tonizia, ho an’ity mpanazatra ny klioba ity. Ho an’atoa Ramiandrisoa Lalaina, talen’ny sekoly kosa dia resin’ny Tonizia 2 no 1 ny Barea, noho io ekipa io manana teknika sy herijika amin’ny famonoam-baolina. Ho an’i George sy Rasolo mpitia baolina, dia 2 Barea ary 0 Tonizia. Ralaude 3 Barea ary 1 Tonizia. Daddy 3 Barea ary 2 Tonizia.

Sitraka r.  

Tia Tanindrazana

Samia mijoro ho an'i Gasikara.