Sport

Ramaroson Jean Michel Tsy nahatratra firotsahana ho kandidan’ny COM

Sport
Zoma 18 Janoary 2019

Ny alatsinainy 14 janoary teo vao tafaverina teto an-tanindrazana Atoa Ramaroson Jean Michel filohan’ny Federasion’ny Basikety Baolina Malagasy am-perinasa noho ny iraka nataony tany ivelany ka tsy nahatratra ny fe-potoana farany nametrahana antontan-taratasy firotsahan-kofidiana ho filohan’ny COM

“Comité Olympique Malagasy” vaovao izay fantatra fa ho tanterahina any Toliara indray toy ny tamin’ny farany (4 taona lasa) nifanandrinany tamin’Atoa Siteny Andrianasoloniaiko. Nanambara ity filohan’ny FMBB ity raha nametrahana fanontaniana teny Ivato fa tsy ho kandida amin’ity fifidianana filohan’ny COM 2019 ity izany izy noho io antony efa voalaza teo io. Ny filohan’ny COM am-perinasa irery ihany izany no kandida handimby toerana azy amin’io fifidianana hatao ny 22 janoary 2019 fa izy irery no nametraka filatsahan-kofidiana, tamin’ny 11 janoary teo, ary efa fantatra avokoa ireo iray lisitra aminy amin’izany dia Ravololoniaina Elisa Vania, Ramaherison José, Andrianavomanana Solofo Baroijaona, Ambinintsoarivelo Jean Herley, Ravalison Jean Aimé, Relaha Jean Claude, Rakotondramanana Nathalia ary Randriamanarivo Jean Alex Harinelina. Atoa Rakotomalala Marcel no filohan’ny Ceni hitantana an’ity fifidianana COM any Toliara ity.

Ntsoavina Evariste