Sport

Rallye � Tour de Tana Mitohy ny adin�i Zaza maditra sy Boom

Sport
Alakamisy 08 Oktobra 2015

Ekipazy 34 no handray fiaingana amin�ny Rallye iray andro � Tour de Tana � sady dingana fah-5 amin�ny fiadiana ny tompondakan�i Madagasikara izay hatao ny sabotsy 10 oktobra izao. Tompomarika amin�ny fikarakarana ity Rallye ity ny klioba Asa Tana. Sedra manokana dimy mirefy 74,79km no voalahatra hifaninanana amin�io ary tafakatra 125,36km izany rehefa miampy ireo fampitohizan-dalana.

Eny amin’ny Krypton Ambohimalaza no hisy ny fitobian’ireo fiara mpifaninana. Saika handray anjara amin’io avokoa ireo sangany rehetra isan-tsokajiny. Anisan’ny ady mafana azo andrandraina amin’io ny fifanandrinana eo amin’ny ekipazy Mathieu sy Tsiresy mitondra Mitsubishi Evo-IX izay mitarika lah-1 amin’ny filaharana vonjimaika ary arahin-dry Boom sy Berthin manamory Mitsubishi EvoX. Anisan’ireo sokajiana ho ngezalahy ary manaraka akaiky hatrany ny ekipazy Rivo sy Ando mamily Subaru Impreza. Hanamarika ity dingana fah-5 ity koa ny fiverenan’ny ekipazy Michael sy Fafahcop izay hitondra Subaru Impreza sy ry Guiguibone-Nat izay hanamory P.306. Toy ny Rallye D-Max farany nokarakarain’ny WIMS teo dia hisy “Shake down” na fanandraman-dalana koa ity “Tour de Tana” ity amin’ny zoma izay hatao eny Betsizaraina ary mirefy 3,700km. Hampitorajofo an’Anjeva sy ny manodidina indray izany ity fifaninanana ity.