Sport

Rallye Tmf – Dingana voalohany Nahavita fotoana tsara indrindra i Gérard sy Teddy

Sport
Sabotsy 26 Aogositra 2017

I Gérard Louvel sy Teddy n°2 mitondra ny fiara Mitsubishi Lancer Evo IX N4 no ekipazy nahavita ny fotoana tsara, indrindra tamin’ny dingana manokana na ny ES 1 nirefy 8,78 km amin’ny rallye Tmf 2017 nampitohy an’Ambodimanga-Bemasoandro teny Ambohidratrimo,

omaly zoma 25 aogositra tolakandro. 7mn 7,6sec no namitany an’io halavirana io. Niala an-daharana sahady kosa noho ny olana teknika nahazo azy ny fiara Subaru Impreza M12 nentin’i Boana sy Miangaly. Amin’ny 7:45 maraina kosa dia efa hiditra an-tsehatra hisedra ny ES 2-Ambohijatovo-Ambohimahavelona eny Ambohidratrimo ihany ireo mpifaninana tavela anio sabotsy 26 aogositra. Hitohy amin’ny ES 3 ka hatramin’ny ES 7 izany.

Ntsoavina Evariste