Sport

Rallye RIM andiany faha-38 Mbola misy disadisa eo amin’ny vokatra ofisialy

Sport
Alatsinainy 13 Novambra 2017

Mbola misy disadisa ny vokatra ofisialy tamin’ilay fifaninanana rallye RIM andiany faha-38 nokarakarain’ny Fsam teto Antananarivo ny 10,11 ary 12 novambra teo izay nanome filaharana ankapobeny vonjimaika. Nahazo ny voalohany i Ndrianja-Fanja nitondra Subaru n°1.

Faharoa i Bona-Miangaly nitondra Subaru n°11. Fahatelo i Tahina-Baovola fiara Subaru n°6. Fahefatra i Yves-Nitro fiara Subaru n°10. Nanao fitarainana an-tsoratra ity ekipazy farany noho ny sazy nomena azy ireo nefa tsy nomena ny ekipazy rehetra ka nahatonga azy ireo hitana an’io laharana faha-4 io. Tsy afa-po tamin’ny valin-teny navoakan’ny “commission sportive” ny rallye izy ireo ka nampakatra ny raharaha na “appel” eny amin’ny tribunal sportif. Tsy nisy ny fizarana amboara ho an’ireo nandresy teny Mahamasina, araka izany, afa-tsy i Hery Be sy Fafah sy ireo “Sponsors” rehetra tamin’ity rallye ity (Cua, X-L, Orange …) sy ny officiel technique toy ny mpisava lalana.

Ntsoavina Evariste