Sport

Rallye RIM 2018 Mbola i Rivo sy Ando ihany no nahery

Sport
Alatsinainy 24 Septambra 2018

Nikatona ny sabotsy 22 septambra teo tao amin’ny Fanalamanga ao Tsirinala Moramanga ny ridaon’ny fifaninanana rallye RIM 2018 na ny RIM andiany faha-39.

Mbola nahery indray tamin’ity fifaninanana natao tany Moramanga ity ny ekipazy Randrianarivony Rivo sy Randrianarivony Ando (Fanalamanga) Fmmsam-Fmmsam N°6 nitondra Subaru Impreza R4 nahavita ny fifaninanana tao anatin’ny 02:24:21,2. Faharoa ny ekipazy (Vidy Varotra) N°5 Razafinjoelina Tahina sy Rakotomalala Andry Tahina nitondra ny Subaru Impreza M12 (02:27:49,0). Fahatelo taorian’ny nialan’ny ekipazy Tahina sy Tahiry N° 4 an-daharana teo amin’ny dingana mialoha ny farany ny ekipazy (Bf Goodrich) Rahamefy Teddy sy Ratsimbarisoa Herman N°13 nitondra ny Ford Ranger M3 (02:33:05,8). Natolotra tao Tsirinala nivantana ny lokan’izy ireo raha ny takariva tao anaty lanonana tany amin’ny Bezanozano kosa ireo loka hafa rehetra. Notoloran’ny Fsam amboara manokana kosa ny DG-n’ny Fanalamanga, Rakotonirina Augustin, noho ny ezaka vitany in-droa miantoana nandray ny rallye tany Moramanga.

Ntsoavina Evariste