Sport

Partagé sur :
• facebook

Mihezaka miaro ny anaramboninahitra eo am-pelatany ny ekipazy Boom sy Berthin mitondra Mitsubishi Evolution X. Tsiahivina fa nanao fahadisoana ity ekipazy ity tamin’ny andro voalohany ny alakamisy teo satria tafiditra telo minitra alohan’ny fotoana tokony nidirany hany ka niharan’ny sazy.

Nitarika mazava moa tamin’io andro voalohany io n y ekipazy Olivier sy Haingo manamory Subaru Impreza. Niezaka nanenjika tamin’ny andro faharoa omaly ry Boom ary tafakatra eo amin’ny laharana faharoa ihany. Taorian’ireo sedra manokana dimy efa vita hatramin’ny omaly aloha izany dia mbola mitarika ry Olivier nahavita fotoana 1.00.28. Manaraka azy eo amin’ny laharana faharoa kosa ry Boom izay tara 2’47. Ny ekipazy Ndrianja sy Fanja manamory fiara Subaru Impreza no manaraka lavitra eo amin’ny lah-3 tara 5’56 aorian’ny fiara voalohany. Lah-4 ankapobeny fa mitarika lah-1 voalohany vonjimaika amin’ny sokajy M12 kosa ny ekipazy Tahina sy Baovola izay manamory Subaru Impreza tara 10’52. Lah-5 ankapobeny fa voalohany vonjimaika amin’ny gropy M11 i Lova sy Lahatra mitondra P 306 (+13’51) ary lah-6 ankapobeny i Freddy sy Yachine izay manamory Isuzu D Max fa voalohany vonjimaika amin’ny gropy T2. Efa niala andaharana kosa ny ekipazy Rivo sy Ando mitondra Subaru Impreza saingy mbola afaka manohy amin’ny “Rallye 2” anio. Marihina tsy isan’ireo nandray fingana indray i Mathieu sy Tsiresy noho ny ny fahavoazan’ny “boite de vites’”-n’ilay Mitsubishi Evo IX entin’izy ireo. Fiara 15 sisa moa no tena hiafaninana anio ankoatra ireo dimy hiatrika ny “Rallye 2”. Mbola misy sedra manokana efatra moa voalahatra anio.

Tia Tanindrazana

Samia mijoro ho an'i Gasikara.