Sport

Rallye du Boeny 2019 Hahatratra 236,92 km no hodiavin’ireo mpifaninana

Sport
Talata 13 Aogositra 2019

Hotontosaina any Mahajanga amin’ny 15,16 ary 17 aogositra izao ny “rallye vacances” na Ralllye du Boeny 2019 andiany faha-14 sady andiany faha-5 amin’ny fiadiana ny ho tompondakan’i Madagasikara 2019 karakarain’ny Club TMF RALLYE eo ambany fanotronan’ny FSAM.

Halaviran-dalana mirefy 236,92 km no hifaninanan’ireo mpandray anjara amin’izany ka ny 124,51 km amin’io dia dingana manokana avokoa izay hahatratra 15 isa be izao ary ny 112,41 km kosa dia ilay antsoina hoe “liaison”. Hisy ny dingana “super-spéciales” 2 dia izay ho hita ao Ampitolova amin’ny ES3 mirefy 2km amin’ny alakamisy 15 aogositra izao ny voalohany ary ny 6,5km hafa hatrehana amin’ny ES6 amin’ny zoma sy ny ES13 hotontosaina amin’ny sabotsy 17 aogositra 2019 any Belinta.

Efa any an-toerana nanomboka tamin’ny faran’ny herinandro lasa teo ny mpikarakara an’ity rallye ity tarihan’ny filohany Rakotomalala Feno sy ny mpanorina ny Club Tmf rallye, Hery Rasoamaromaka. Fantatra fa ao amin’ny Karon-Sômabeach no misy ny PC amin’ity rallye du Boeny 2019 ity.

Ntsoavina Evariste