Sport

Rallye de Mangoro andiany faha-2 Norombahin’i Tahina sy Ranto nitondra Subaru Impreza

Sport
Alatsinainy 15 Jolay 2019

Tontosa tany Moramanga tamin’ny 11 sy 12 ary 13 jolay lasa teo ny andiany faha-2 tamin’ny Rallye de Mangoro andiany faharoa nokarakarain’ny Tasamm « Tanjaky ny Sparo Automoto Malagasy »

niaraka tamin’ny fiaraha-miasa tamin’ny orinasa Fanalamanga sy ny Fsam « Fédération du Sport Automobile de Madagascar » amin’ny maha-dingana faha-4 ny fiadiana ny ho tompondakan’i Madagasikara 2019 eo amin’ity fifaninanana fanamoriana fiakarakodia ity. Raha ny vokatra vonjimaika azo eto am-pelatanana dia norombahin’i Tahina Razafinjoelina sy i Ranto Harinaivo Ramarokoto nitondra ny fiara Subaru Impreza (Vidy Varotra) n° 1 Classe M 12 nahavita ny halaviran-dalana nirefy 404,83 km sy ny dingana manokana niisa 11 nirefy 541,72 km tao anatin’ny fe-potoana 01.31.55.6. Faharoa nanaraka azy ireo tao i Rivo sy Ando Randrianirovony nitondra Subaru Impreza ihany koa n°2 Classe N 4 nahavita 01.12.18.1. Faha-3 i Sitraka sy Rado Rakotomalala (Motul Sg Motors) mbola nitondra Subaru Impreza n°6, classe N 4 nahavita 01.32.37.3.

Ntsoavina Evariste