Sport

Partagé sur :
• facebook

Hazakazaka rodobe niainga tetsy amin’ny garan’i Soarano ka nifarana teny amin’ny kianjan’i Mahamasina,tamin’ny sabotsy 17 febroary teo, no nanombohan’ny ligin’ny baolina kitra eto Analamanga notarihan’ny filohany RakotoarimananaTôta Henintsoa notronin’olo-manan-kaja maro, ny filohan’ny FMF sy ireo ben’ny tanàna namany ary koa ny orange mpanohana ofisialy sy ireo filohan’ny klioba sy ireo mpilalao marobe, ny fanokafana tamin’ny fomba ofisialy ny taom-pilalaovana 2018.

 
Natolotra tamin’io fotoana io teo am-povoan’ny kianjan’i Mahamasina ireo amboara ho an’ireo nahazo izany tamin’ny taom-pilalaovana 2017 (Ireo tompondaka isan-tsokajiny, ireo mpilalao sy mpitsara mendrika samihafa  sns…). Navoitran’i Tôta Henintsoa, filohan’ny ligin’Analamanga tao amin’ny kabary nataony fa kihon-dalana ho an’ny baolina kitra Malagasy ity taona 2018 ity.Aoka  mba ho isika Malagasy fa tsy ny avy any ivelany no hamaha ny olana misy e o amin’ny fitantanana ny kitra Malagasy ary mifanaraha ianareo nitonona ho kandidà ho filohan’ny FMF hampandrosoana ny kitra Malagasy, hoy izy. Lalao fihantsiana nihaonan’ny ekipan’ny ligy sy ireo ben’ny tanànan’Analamanga sy ny lalao famaranana ny kitra fiangonana2017 :: Filamatra Ambodiafontsy 2 – 0 Us Fiadanana Maritiora no nanokatra ofisialy ny taom-pilalaovana 2018 ho an’ity ligy ity. Ny alahady kosa no nisy ny lalao ligue 1 maromaro : Mama Fc 0 – 0 CNaPS Sport Tanà ; Uscafoot 2 – 2 Cosfa ;  Tanà Formation 1 – 1 Elgeco Plus  ;  Fosa Juniors Tanà 2 – 0 Mi-20  ; Cospn 1 – 4 As Adema.

NtsoavinaEvariste

Tia Tanindrazana

Samia mijoro ho an'i Gasikara.