Sport

Rakoto Grenat - Moramanga Mitohy ny fanampiana ny mpiara-belona sahirana

Sport
Alakamisy 04 Aprily 2019

Nanohy ny asa soa mahazatra azy amin’ny fanampiana an’ireo olona sahirana any ambanivohitr’i Moramanga Atoa Rakoto Grenat mpandraharaha avy any Ambohitranjavidy Moramanga sy ny fianakaviany ary ny mpiara-misehatra aminy.

Ny faran’ny herinandro teo dia nanolotra fanomezana (vary fotsy sy hazo hanamboarana fandriana) ho an’ireo gadra ao amin’ny fonjan’i Moramanga izy sy ny vady aman-janany, avy eo nanolotra fanomezana hafa koa (vary fotsy sy kilalao) ho an-dry masera ao Moramanga ihany ary nofaranany tamin’ny fanolorana vary fotsy 5 kg avy ho an’ny olona sahirana 40 isaky ny fokontany 13 misy ao ambanivohitr’i Moramanga tao amin’ny hotely Bezanozano izany. Tsy hiandrasana vanim-potoana hakana fahefana amin’ny vahoaka ny fanaovana asa soa sy fitsinjovana ny mpiara-belona, hoy Rakoto Grenat, fa tanterahana mandavan-taona toy izay efa nataonay hatramin’izay.

Ntsoavina Evariste