Sport

Rakoto Grena tany Ambohitranjavidy Moramanga Nahazo tso-drano tamin’ireo tangalamena sy oloben’ny tanàna

Sport
Talata 19 Martsa 2019

Tao anatin’ny asa soa efa fanaony an-taonany maro ka nizarany omby 1 sy vary fotsy ho an’ny zokiolona sy vahoaka sahirana tao amin’ny fokontanin’Ambohitranjavidy toerana fiaviany,

tamin’ny faran’ny herinandro teo, no nanomezan’ireo tangalamena zanantany sy oloben’ity tanàna ity tso-drano an’Atoa Rakoto Grena mpandrahara sady mpitatitra any amin’iny Faritr’Alaotra Mangoro iny izay nirotsaka ho kandida ho solombavambahoaka ho fidiana amin’ny faha-27 mey 2019 ho avy izao. Izy sy ny mpiray lisitra aminy izay zanatany miainga avy any ifotony avokoa no voalohany nametraka ny antontan-taratasy filatsahan-kofidiana tao amin’ny Ovec Moramanga. Olona tia mifanerasera amin’ny tontolo ambanivolo any Mangoro Moramanga an-taonany maro Rakoto Grena ka nanome toky fa hitondra ny tenin’ny vahoaka ho soloiny vava eny amin’ny Antenimieram-pirenena rehefa lany soa aman-tsara hoentina manasoa sy mampandroso ny distrikan’i Moramanga nirotsahany sy i Madagasikara manontolo mihitsy aza.

Ntsoavina Evariste