Sport

Rajaonson Eric Maro ireo kandida niantso sy niresaka taminy

Sport
Zoma 28 Septambra 2018

Na dia tsy nandrotsaka ny antontan-taratasy firotsahan-ko fidiana ho kandida filoham-pirenena Malagasy amin’ity taona 2018 ity araka ny nambaran’ny tamin’ny volana jolay 2018 teo aza Atoa Rajaonson Eric mpanorina ny Hetsika

« Areno ny firenena » dia maro amin’ireo kandida ofisialy 36 ankehitriny no niantso sy niresadresaka fiaraha-miasa taminy nefa dia ny filohan’ny antoko « Orimbaton’i Madagasikara », Solonandrasana Mahafaly Olivier, no heveriny fa manana foto-kevitra manakaiky fomba fijery amin’ny azy noho izy olona manam-panahy ka tsy manavakavaka ara-pinoana sy ara-poko ary ara-pirazanana ary noporofoiny tamin’ny nifidianany ny tenany izay olona avy eto Imerina ho talen’ny fampielezan-keviny izany. Faharoa manaraka izany dia nambaran’i Eric Rajaonson fa ny filohan’ny OM ihany koa no vonona hamerina ny hasina maha-Malagasy ary ho azy ny laharam-pahamehana dia ny fiainana an-davanandron’ny olona.

Ntsoavina Evariste