Sport

Raharaha Delors Any amin’ny fitsarana ny baolina

Sport
Alarobia 21 Febroary 2018

Anisan’ny raharaha nitana ny sain’ny maro tato ho ato ny mikasika ny fampidirana am-ponja ny tale kabinetran’ny lehiben’ny faritra Vatovavy Fitovinany Atoa Delors.

Rehefa nanontaniana ny Lehiben'ny Faritra Vatovavy Fitovinany, Atoa Rémi Vincent Andrianjanaka, dia nambarany fa efa eny anivon'ny fitsarana ny raharaha ka aleo izy no hanohy an-tsakany sy an-davany ny asany".Tsy nahazoana valin-teny firy izy ary nanda mafy tamin’ny fanontaniana napetraka taminy raha miray petsapetsa tamin'ity mpiara-miasa aminy naiditra am-ponja vonjy maika ity ny tenany na tsia. Etsy an-danin’izay, ny minisitra mpiahy ny faritra Vatovavy Fitovinany, Atoa Beboarimisa Ralava dia nanamarika fa matoky ny fitsarana malagasy izy, ary nanamafy fa tany tan-dalàna i Madagasikara. Tsiahivina moa fa resaka fanodinkodinam-bola no nampidirana am-ponja vonjimaika ity talen’ny kabinetran’ny Faritra Vatovavy Fitovinany ity.