Sport

Rabibisoa Ansèlme Tokony hifantoka amin’ny taninketsa isika

Sport
Talata 08 Janoary 2019

Marina fa maro nahatratra 213 ireo atleta Malagasy mendriky ny taona 2018 no notoloran’ny filoha mpisolo toerana, Rivo Rakotovao,

fiarahabana sy fankasitrahana manokana teny Iavoloha tamin’ny 20 desambra 2018 teo ary tokony hokajiana ny hitohizan’ny fahombiazan’izy ireo amin’izany, hoy Atoa Rabibisoa Ansèlme DGS « Directeur Generale des Sports » ao amin’ny minisiteran’ny tanora sy fanatanjahantena Malagasy. Amiko, hoy izy, dia tsy misy afa-tsy ny fikarakarana an’ireo taninketsa ho avy no hahatomombana an’izany. Marina fa misy sasantsasany tena sangany tokoa tamin’ireo notolorana maripankasitrahana ireo nefa dia sahiko ny milaza etoana fa mbola lavitra ho antsika Malagasy amin’ny ankapobeny ny hanatratra ny haavo teknikan’ny atleta Afrikanina. Izay no asahiako milaza fa tokony ho ny rafitra fanomanana taninketsan’Atleta mpandimby Malagasy no hapetraka tsara vao himasoana tsara ny fiatrehana an’ireo lalao iraisam-pirenena malaza toy ny « Jeux des iles », Cjsoi, lalao afrikanina …

Ntsoavina Evariste