Sport

Pro League Playoffs Mbola tsy very fanantenana ny Disciples

Sport
Zoma 26 Mey 2023

Mila manono baolina roa mba ho sahala dia hita avy ny tohiny. Izay no finoan',ireo mpanohana ny Disciples FC mipetraka any Betafo.

Tsy kivy izahay hoy Onja Harilanto Raharimanana izay mpilalaon'ny Elatr'i Betafo fahiny ary isan'ireo manetsiketsika ny baolina kitra any an-toarena. Vitan'ny Barcelone ohatra ny remontada baolina dimy ka manino no tsy ho vita na dia hoe Fosa aza no hifanandrianina ny alahady izao ao amin'ny kianja Alexandre Rabemananjara Fantatra ho ihany i Onja Harilanto Raharimanana fa manana olona ny Fosa ao Mahajanga fa mba hiezaka ny ho tonga maro koa ny Disciples. Misy ireo mpanahana aty Antananarivo fa misy koa ireo mpianatra eny Ankatso mivondrona ao amin'ny BAFIAM ( Betafo Atambatry ny Fianarana Ambony) ary mbola koa ireo miala avy any Betafo androany. Fitiavana daholo izany ary na ho sarotra aza ny miandry ny Disciples dia efa fandresena lehibe izao fihetsika asehon'ireo mpanohana.

Clément RABARY