Sport

Poules des As « Champion’s League Malagasy » Tena ho lalao famaranana ny an’i CNaPS sy ny Elgeco Plus

Sport
Sabotsy 11 Novambra 2017

Mitarika amin’ny isa 15 ankehitriny ny ekipan’ny CNaPS Sport ary manana isa 12 kosa ny Elgeco Plus manaraka azy taorian’ny fahavitan’ny andro faha-2 n-ny « poules des As » lalao miverina notontosaina tao Fianarantsoa omaly.

Ny Elgeco Plus nanamontsana ny Cosfa 6-2 ary ny CNaPS Sport nandavo mora foana ny Hzam 3-1. Tena ho lalao famaranana mihitsy, araka izany, ny lalao hifanandrinana’ny CNaPS Sport sy Elgeco Plus rahampitso alahady 12 novambra eo amin’ny andro fahatelon’ity “poules des As” 2017 ity. Etsy ankilan’izay dia tsara ho marihana fa harahina mivantana amin’ny televiziona Malagasy (TVM) ny lalaon’ny Barea sy Comores any Frantsa anio hariva manomboka amin’ny 3 ora Frantsay.

Ntsoavina Evariste