Sport

Poule des As « Thb Champions League 2018 » Mitarika vonjimaika ny Fosa Juniors

Sport
Alatsinainy 13 Aogositra 2018

Mitarika an’isa vonjimaika eo amin’ny filaharana ankapobeny amin’ny fifaninanana “Poule des As Thb Champions League Malagasy 2018” ny

ekipan’ny Fosa Juniors Boeny manana isa 6 taorian’ny nandreseny ny Cnaps Sport Itasy omaly alahady 12 aogositra tany amin’ny kianja Rabemananjara Mahajanga eo amin’ny andro faharoa an’ity fifaninana ity. Mitana ny laharana faharoa vonjimaika ny Cnaps Sport (+1). Laharana faharoa mitovy saingy (0) ny Fcv Vakinankaratra izay afa-bela fa nandresy mazava 3-1 an’i Elgeco Plus Analamanga omaly alahady 12 aogositra ihany tao amin’ny kianja Velodrôme Antsirabe. Mazava loatra fa ny Elgeco Plus Analamanga mbola tsy manana isa izany no mitana ny laharana faha-4 vonjimaika amin’ity fifaninana ity. Amin’ny alahady 19 aogositra izao andro faha-3 dia handray ny Fosa Juniors Boeny any Antsirabe ny Fcv Vakinankaratra ary ny Cnaps Sport Itasy kosa eny amin’ny kianja Vontovorona dia hampiantrano an’i Elgeco Plus Analamanga samy amin’ny 14:30 avokoa.

Ntsoavina Evariste