Sport

Poule des As 2018 Lavon’ny Elgeco Plus tao an-kianjany ny Fosa Juniors

Sport
Alatsinainy 17 Septambra 2018

Raha tsy afa-bela tamin’ny CNaPS Sport Itasy ny Fcv Vakinankaratra fa resiny 2-0 indray tao amin’ny Velodrome Antsirabe omaly alahady 16 septambra teo amin’ny andro faha-5 amin’ny « Poule des As 2018 »

(efa resiny tamin’ny isa 3-1 teny Vontovorona tamin’ny andro voalohan’ny fifaninanana) dia nahatontosa ny valifatiny kosa ny Elgeco Plus Analamanga raha resy 2-1 tetsy Mahamasina ny 4 aogositra lasa teo satria dia nandresy an-kianjany ny Fosa Juniors Boeny tamin’ny isa 3-2 omaly alahady 16 septambra. Mbola mitarika vonjimaika hatreto ny Fosa Juniors Boeny na dia samy manana isa 10 azy izy sy ny CNaPS Sport Itasy. Karazana lalao famaranana mihitsy izany ny andro faha-6 hifanandrinan’ny CNaPS Sport sy Fosa Juniors eny Vontovorona ny faha-23 septambra izao. Etsy Mahamasina kosa no handraisan’ny Elgeco Plus ny Fcv Vakinankaratra amin’io andro faran’ny « Poule des As 2018 » io.

Ntsoavina Evariste