Sport

Poule des As 2018 andro faha-3 Vonona handray ny Fosa Juniors Boeny ny Fcv Vaknà

Sport
Sabotsy 18 Aogositra 2018

Miditra amin’ny andro faha-3 ny fifaninanana Poule des As “Champion’s League Malagasy 2018” rahampitso alahady 19 aogositra 2018 ka ny kianja Velodrôme Antsirabe sy ny kianja sentetikan’i Vontovorona no handray an’ireo fihaonana roa samy hanomboka amin’ny 2:30 avokoa.

Etsy Vontovorona ary dia handray ny Elgeco Plus Analamanga mba hitady fandresena amin’izay ny Cnaps Sport Itasy. Any Antsirabe kosa dia hampiantrano ny Fosa Juniors Boeny izay mitarika an’isa vonjimaika ankehitriny ny Fcv Vakinankaratra. Vonona izahay handray ny ekipan’i Boeny, hoy i Paul Razanakolona filohany, ary tsy hoe vonombonona fotsiny fa tena manana moraly ambony ny handavo ny Fosa Juniors mihitsy ka handrombaka ny laharana voalohany vonjimaika. Tsara tohana tokoa ity ekipan’ny Fcv Vakinankaratra ity rehefa milalao eo amin’ny kianjany fa sady hainy tsara io kianja io no manohana azy tanteraka ny mpijery baolin’Antsirabe mpilalao faha-12.

Ntsoavina Evariste