Sport

Paul Pogba Hifindra any amin’ny Real Madrid

Sport
Alakamisy 25 Aprily 2019

Hifarana amin’ity taom-pilalaovana ity ny hilalaovan’ilay kintan’ny baolina kitra Frantsay, Paul Pogba tompondaka eran-tany 2018, ao amin’ny ekipan’ny Manchester United Anglisy, araka ny nambarany tamin’ireo namany ao amin’ny Red Devils.

Hiala ato amin’ny Manchester United aho, hoy izy, fa nahakivy ahy ny vokatra azon’ny ekipa teo amin’ny ligue voalohany Anglisy fa tsy tazana raha tsy tany amin’ny laharana faha-6 ry zareo tamin’ity taom-pilalaovana ity. Marihana fa tamin’ny volana aogositra 2016 i Paul Pogba no nanomboka nilalao tao amin’ny Manchester United rehefa novidian’ity ekipa ity “105 tapitrisa euros tamin’ny Juventus de Turin nilalaovany teo aloha. Efa fantatra ny klioba vaovao handrian’ny fon’i Pogba hilalaovana amin’ny taom-pilalaovana ho avy dia ao amin’ny Real Madrid hiaraka amin’ilay mpanazatra Zinedine Zidane. Efa namaly ny mpanao gazety tamin’ny volana martsa teo ity mpanazatra ity fa ankasitrahany tanteraka ny handray an’i Pogba ho mpilalao miaraka aminy. Mazava ny tanjona tian’i Paul Pogba hotratrarina dia ny handrombaka ny amboaran’ny champions League any Eoraopa indray.

Ntsoavina Evariste