Sport

Parfait Rakotonindriana “Sahirana ny mpanao haiady ankehitriny”

Sport
Alatsinainy 30 Martsa 2020

Tena sahirana tahaka ireo namana hafa any ivelany izahay mpanao haiady malagasy hoy i Parfait Rakotonindriana ilay malagasy tompondaka eran-tany in-droa tamin'ny savate boxe française

raha tafaresaka an-telefaonina taminay izy. Tena olana be ho anay efa zatra ny mikotrana isan'andro hoy izy ilay fihibohana an-trano tsy maintsy atao noho ny Coronavirus. tena lasa manakotsako be izany ny vatana ary toa lasa osaosa izany ny hozatra. Nafarana arak'izany ireo mpikatroka haiady zatra miaraka amiko ny amin’ny tokony hikotranan-dryzareo tsy tapaka any an-tranony avy any mba tsy hatoritory ny hozany rehetra sy ho lasa miraikidraikitra ny "articulation" ary tsy ho mora voan'ny "crampe" rehefa tena hiverina mikotrana indray, hoy i Parfait. Tsy dia misy ihany koa ny fifampiresahana amin'ireo namana any ivelany fa samy revo amin'ny ady amin'ny Coronavirus daholo ny rehetra.

Ntsoavina Evariste