Sport

Orange Pro-League Malagasy Voatanan’ny Fca Ilakaka 0-0 ny Fosa Juniors Fc

Sport
Alatsinainy 16 Martsa 2020

Tontosa tany amin’ny kianja Rabemanjara Mahajanga omaly alahady 15 martsa 2020 ny lalao andro faha-2 tara eo amin’ny fifaninanana Orange Pro-League Malagasy 2019/2020.

Voatanan’ny Fca Ilakaka Ihorombe 0-0 tao an-jaridainany tamin’izany ny Fosa Juniors Fc Boeny. Marihana fa tsy niatrika ny lalao ireo mpilalao an’isan’ny fototra ao amin’ny Fosa Juniors Fc dia i Santatra sy Besna ary i Jean Yves. Rava izany ny nofinofin’ny ekipa solontenan’i Boeny amin’ity fifaninanana ity mba hiakatra eo amin’ny laharana faha-2 vonjimaika. Marihana fa mbola manana lalao tara iray hifanandrinany amin’ny Zanakala Fc Matsiatra Ambony ny Fosa Juniors Fc amin’ny ankapobeny.

Ntsoavina Evariste