Sport

Partagé sur :
• facebook

Nisongadina tamin’ireo lalao tafiditra tamin’ny andro faha-14 amin’ny fifaninanana baolina kitra “Orange Pro-League Malagasy”

notontosaina tamin’iny faran’ny herinandro lasa teo iny (sabotsy 29 febroary sy alahady 01 martsa 2020) ny fihaonan’ny Cosfa Miaramila sy Elgeco Plus tetsy amin’ny kianja Elgeco Stadium tetsy amin’ny By Pass Ambohijanaka omaly alahady 01 martsa noho ny nisian’ny savorovoro kely nitranga teo ambony kianja vokatry ny fahazoan’ny mpilalaon’ny Cosfa niisa 2 ny karatra mena ka nahavoatery an’ity klioban’ny miaramila ity nilalao 9 nanomboka teo amin’ny minitra faha-15 nilalaovana tany ho any ka nampiato nandritra ny 10 minitra latsaka kely ny lalaon’ny roa tonta. Voatery niditra teny ambony kianja mihitsy moa ireo tompon’andraikitry ny ekipa roa tonta nandamina ny savorovoro nisy nefa dia nitohy hatramin’ny farany ihany ny lalao ka nirava tamin’ny fandresen’ny Elgeco Plus ny Cosfa tamin’ny isa 3-0 be izao. Tafidina any amin’ny laharana faha-3 ao aorian’ny Cnaps Sport Itasy sy ny Ajesaia Bongolava araka izany ny Cosfa izay nitarika vonjimaika teo amin’ny laharana voalohany tamin’ny andro faha-13. Azo ambara fa somary nanimba kely ny endri-dalao nasehoan’ny Cosfa sy Elgeco Plus teny amin’ny By Pass ny fanapahan-kevitra maika loatra noraisin’ny mpitsara ny lalao sahy nanome karatra mena in-droa nisesy be izao tamin’io fiahaonana io. Nametraka fitarainana noho ny toe-java-nisy ny ekipan’ny Cosfa taorian’ny lalao.

Ntsoavina Evariste

Tia Tanindrazana

Samia mijoro ho an'i Gasikara.