Sport

Partagé sur :
• facebook

Betsaka ireo ekipa efa tonga tany amin’ny toerana saika hiatrehany ny andro faha-16 amin’ny fifaninanana baolina kitra “Orange Pro-League Malagasy”

tamin’ny faran’ny herinandro lasa teo no no voatery niveri-potsiny any amin’ny toerana niaviany avy noho ny fanambarana avy amin’ny fitondrana Malagasy nilaza fa haato avokoa aloha ireo hetsika ara-panatanjahantena rehetra manerana ny nosy nanomboka tamin’ny zoma 20 martsa 2020 lasa teo. Ny ekipan’ny Cosfa Analamanga ohatra dia fantatra efa tamin’ny alarobia 18 martsa 2020 no efa tonga tany Mahajanga toerana tokony hifanatrehany amin’ny Fosa Juniors Boeny omaly alahady 22 martsa 2020. Nambaran’ny sekretera jeneralin’ny CFEM “Association des Clubs de Football Elites de Madagascar” mpikarakara ny hetsika, Atoa Rakotoharimalala Mirado, fa tsy maintsy nefain’izy ireo avokoa ny volan’ireo “officiels” (mpitsara lalao sns…) ary ny saran-dalan’ireo efa tonga tany amin’ny toerana hilalaovany. Nitentina hatrany amin’ny 50 tapitrisa ar no vola naloan’ny  CFEM tamin’izany.

“Ny teny fohy azo ambara, hoy ity SG-n’ny CFEM ity, dia voalohany ny fialan-tsiny amin’ny tontolon’ny baolina kitra rehetra (mpilalao, officiels, mpijery baolina) amin’ny tsy nahatontosan’ireo lalao rehetra satria ny fahasalaman’ny rehetra no zava-dehibe tsy maintsy notandrovina  araka ny hafatry ny filoham-pirenena ka miangavy ny rehetra araka izany ny CFEM, hoy izy, mba hifanome tanana amin’ny ady atao amin’ity tsimokaretina ity ary hanaraka ihany koa ny toromarika homen’ny tompon’andraikitra mahefa rehetra”.

Ntsoavina Evariste

Tia Tanindrazana

Samia mijoro ho an'i Gasikara.