Orange Madagascar

Hanohana ny «Malagasy Pro Padel Tour»

Sport
Talata 25 Febroary 2025

Nanavao ny fiaraha-miombona antony ho an’ity taona 2025 ity ny Orange Madagascar sy ny Malagasy Pro Padel,

raha ny fampitam-baovao omaly, ho fanohizana ny stratejia fanohanan’izy ireo ny fanatanjahantena malagasy. Ho lohany amin’ny fanohanana ny hetsika «Malagasy Pro Padel Tour», izay nanomboka ny taona 2023, manomboka eto ity orinasam-pifandraisan-davitra ity, raha ny fanazavana voaray. Ny Padel moa dia karazana fanatanjahantena mifanakaiky amin’ny taranja Tennis sy Badminton, raha tsorina ny filaza azy. Taranja somary mbola vitsy mpahafantatra izy io, raha eto amintsika, na dia teo aza ny fisian’ity hetsika ity efa ho 2 taona izao. Tanjona, noho izany, hoy hatrany ny fanazavàna ny anapariahana azy manerana ny nosy sy ny sehatra rehetra izay tratra.
J. Mirija