Sport

Orange kitra Inter-Instituts Nafanafana teny Andohalo

Sport
Alatsinainy 14 Mey 2018

Notontosaina omaly alahady 13 mey 2018 teny amin’ny kianja sentetikan’Andohalo ny andro faha-2 amin’ny lalao baolina kitra lalaovin’olona 6 ka hifaninanan’ireo sekoly ambony isan-tsokajiny eto Antananarivo ary karakarain’ny ligin’Analamanga sy ny orinasa Orange Madagascar miaraka.

Nafanafana teny Andohalo tamin’izany satria tao ny nihoitra nanarina ny fahavoazana tamin’ny andro voalohany ary tao koa ireo niezaka nitazona ny fahombiazana efa azony. Nambaran-dRakotoarimanana Tôta filohan’ny ligin’ny baolina kitra eto Analamanga tonga nanatrika ireo fihaonana teny an-toerana fa voaporofo tetsy Andohalo fa tsy ny fianarana an-taratasy ihany akory no manavanana an’ireo tanora manampahaizana Malagasy fa havanana amin’ny filalaovana baolina kitra koa izy ireo ary mivoy ny fiaraha-misalahy eo amin’ny fiainana .

Ntsoavina Evariste