Sport

Orange Kitra Inter-Institut Lasan’ny Sekoly IUM ny amboara sy ny 1 tapitrisa ariary

Sport
Talata 29 Mey 2018

Nifarana ny sabotsy 26 mey 2018 teo teny amin’ny kianja sentetika Andohalo ny fifaninana kitra lalaovin’olona 6 ny “Orange Kitra Inter-Institut” na ny baolina kitra nifaninanan’ireo sekoly ambony eto an-drenivohitra niisa 19.

Voahosotra ho tompondakan’ity andiany voalohany amin’ny fifaninanana ity ny ekipan’ny sekoly IUM nandresy ny ESPM 3-0 teo amin’ny famaranana ka notolorana ny amboara sy ny medaly volamena ary ny lelavola 1 tapitrisa ariary nomen’ny ligin’ny baolina kitran’Analamanga tarihan’ny filohany Rakotoarimanana Tôta Henintsoa. Mbola notoloran’ny tomponandraikitry ny Orange “Débardeur” tsirairay avy koa tahaka ny mpilalaon’ny Aceem nitana ny laharana faha-3 sy ny Espm faha-2 ity ireo mpilalaon’ity ekipa tompondaka ity.

Ntsoavina Evariste