Sport

Orange Kitra Fiangonana Hanomboka amin’ny faran’ny herinandro ny fifanintsanana

Sport
Talata 03 Oktobra 2017

Filaharambe, niainga tetsy amin’ny tranombokim-pirenena Anosy nihazo ny kianjan’i Mahamasina,

ka nandraisan’ireo ekipa maro handray anjara amin’ny fifaninanana no nentina nanamarika ny fanombohan’ny hetsika baolina kitra « Orange Kitra Fiangonana » ny sabotsy 30 septambra teo izay karakarain’ny ligin’ny baolina kitra eto Analamanga hiarahany misalahy amin’ny orinasa Orange Madagascar. Narahina lalaom-piralahiana nifanandrinandrinan’ny ekipa nahita an’ireo Ben’ny tanàna rehetra eto Analamanga notarihan’ny Lehiben’ny Faritra sy ny ekipan’ireo mpiandraikita fiangonanana samihafa avy hatrany izany tetsy amin’ny kianjan’i Mahamasina izay nisaraka ady sahala 3 noho 3. Fantatra fa hanomboka amin’ny faran’ny herinandro izao ny tena fifanintsanana amin’ity hetsika ity ka voalaza fa handray anjara avokoa ireo ekipa nisoratra anarana. Ny kianjan’i Mahamasina, kianjan’Alarobia, kianjan’i Carion, kianjan’i Cheminot Antanimena, kianjan’i Bevalala ary ireo kianjan’ny Akamasoa ambony sy ambany no indray handray ny fihaonana rehetra.

Ntsoavina Evaiste