Sport

Open pétanque Boss-Elite Lasan’i Yves sy Lesakely ny 2.000.000 ariary

Sport
Alatsinainy 14 Mey 2018

Lasan’i Yves sy Lesakely ireo amboara lehibe 2 sy ny vola 2.000.000 ariary tamin’ny fifaninanana tsipy kanetibe “Open pétanque Boss-Elite” nokarakarain’ny CBT, nahazo tohana mavitrika tamin’ny Orinasa Sbs, tetsy amin’ny Boulodrôme Cbt etsy Mahamasina ny sabotsy 12 sy omaly alahady 13 mey 2018.

Lavon’izy ireo teo amin’ny lalao famaranana i Solofo sy Tafita izay notolorana kosa lelavola 400.000 ariary. Samy nahazo 150.000 ariary avy kosa ry Salim sy Hery avy any Morondava nitana ny laharana faha-3 sy Joro sy Rindra nitana ny laharana faha-4. Nambaran-dRaheriniaina Yves filohan’ny CBT am-perinsa fa fanomezam-boninahitra ireo Boss pétanque sy ny “Communauté Indienne” milalao tsipy kanetibe ity hetsika ity ka izany no nahamaro azy ireo nandray anjara tamin’ny hetsika.

Ntsoavina Evariste