Sport

Open International BMOI-Madauto Hitarafana ny fahaizan’ny Malagasy Tenisy

Sport
Talata 05 Novambra 2019

Hisy ny lalao tenisy izay hokarakarain’ny Country Club Ilafy (Open International BMOI-Madauto) manomboka ny 5 hatramin’ny 10 novambra izay hatao eo ambany fiahin’ny Ligin’ny Tenisy Analamanga.

Efa nanomboka tamin’ny volana septambra ary nifarana tamin’ny Alahady lasa teo ny fifanintsanana izay natao teto Madagasikara. Mihoatra ny 100 ny mpilalao nandray anjara ka miisa 8 ny lehilahy ary 4 ny vehivavy sangany indrindra voasafidy hiatrika ity fifaninana ity. Ankoatr’ireo dia hisy mpilalao vahiny nasaina ka anisan’ny ho avy ny mpilalao avy any Arzantina miisa 2. Tanjona ny hitarafana indray ny mpilalao Malagasy nandritra izay herintaona izay ny fahaiza-manaony sy ny fiakarany hiatrika ny fifaninanana iraisam-pirenena. Mihoatra ny 12 tapitrisa Ariary ny vola ho zaraina ary na resy fihodinana voalohany aza dia efa mandray amin’izany sahady.

Tsirinasolo