Olan’ny ady totohondry

«Mbola tsy misy federasionina iraisampirenena »

Sport
Alatsinainy 15 Jolay 2024

Nilaza ny filohan’ny komity olaimpika malagasy, Siteny Randrianasoloniaiko,

ny sabotsy teo, fa mbola tsy misy ny federasionina iraisampirenena hatreto ny taranja ady totohondry. Tsiahivina fa miato moa hatreto ny fahafahan’izany federasionina iraisampirenena na AIBA izany miasa. Lojika, raha miandry koa aloha izany ny eto Madagasikara, hoy hatrany ity filohan’ny komity olaimpika ity. Rehefa tapa-doha, hoy izy, ny fitarihana izany taranja izany dia tsy afaka hamindra ka miandry ny filaminany vao afaka mihetsika ny rehetra. Izay no fanazavana nentin’ity filoha ity manoloana ny tsy fahafaha-mihetsiky ny taranja ady totohondry izay mampitaraina ireo mpisehatra eto Madagasikara amin’izao fotoana izao. Andrasana ny tohiny.
J. Mirija