Sport

Olana ara-piarahamonina Zaza 956 no very teto Antananarivo

Sport
Alarobia 20 Novambra 2019

Nahatratra 956 ny fitarainana zaza very voarain’ny polisy misahana ny zaza tsy ampy taona etsy Tsaralalana hatreto.

Ny 637 amin’ireo dia nitsoaka an-daharana niala tao an-tokantranon-dray aman-dreniny avokoa, raha antony hafa kosa ny 219 ambiny. Ny 739 tamin’ireo no nampahafantarina ny polisy ny fiverenany tao an-tokantranon-dray aman-dreniny, roa no namoy ny ainy raha tsy nampahafantarina kosa ny vaovao momba ireo ambiny. Nantitranterin’ny kaomisera Andriamiandra Fidy, tompon’andraikitra eo anivon’ny polisy misahana ny zaza tsy ampy taona etsy Tsaralalana moa fa vokatry ny tahotr’ireo ankizy ny ray aman-dreniny ny amin’ny mety fibedesana hahazo azy no antony mahatonga azy ireny hitsoaka ankoatra ny esoeso sy henatra mety mahazo azy any am-pianarana noho ny tsy fahaloavana saram-pianarana, ohatra. Eo ihany koa ireo ankizy tia andrankandrana mihoatra ny 15 taona ka voatariky ny namany hanao ny tsy fanaony.