Sport

Njiva Rakotoharimalala Nanoratra tantara niaraka tamin’ny Barea

Sport
Talata 12 Oktobra 2021

Njiva Rakotoharimalala no voasokajy ho mpilalaon'ny ekipam-pirenena malagasin’ny baolina kitra na Barea nanoratra tantara indrindra ho an'ny Kitra Malagasy hatreto.

Ny baolina tokana tafiditr'ity lohalaharana mitondra ny laharana faha 10 ity teny amin'ny kianjan’i Vontovorona ny 22 oktobra 2018 no nahazoan'izany ekipam-pirenentsika izany ny tapakila voalohany nandraisana anjara tamin’izany atao hoe tompondakan’i Afrika teo amin’ny taranja baolina kitra izany, ho an’ny ekipam-pirenena sokajy zokiny na “senior”. Isika ihany koa tamin’izay fotoana izay, izany hoe tamin’ny 2 taona lasa, no ekipam-pirenena voalohany tafakatra hiady ny dingan’ny famaranan’ny CAN 2019. Njiva ihany koa iny ny alin’ny alahady teo no mpilalaon'ny ekipam-pirenena Malagasy voalohany nahatafiditra baolina teo amin'ny Kianjan'i Barea Mahamasina.
J. Mirija