Sport

Nicolas Dupuis nomen’ny ministera andraikitra Tsy mbola nandrenesam-peo ny FMF

Sport
Alakamisy 16 Janoary 2020

Raha natolotr’Atoa Tinoka Roberto, minisitry ny tanora sy ny fanatanjahantena Malagasy tamin'ny fomba ofisialy an’Atoa Nicolas Dupuis

tamin’ny talata 14 janoary 2020 teo ny birao fiasany vaovao etsy amin’ny Lapan’ny kolontsaina sy fanatanjahantena Mahamasina amin'ny maha “Consultant” na manampahaizana manokana miara- miasa amin'ny minisitera azy. Ho fanamafisana ny ezaka vita dia tsy hijanona fotsiny amin'ny maha mpanazatra azy Atoa Dupuis fa hisahana koa ny fampandrosoana ny baolina kitra amin'ny ankapobeny sy ny fampiroboroboana ny fiaraha-miombon'antoka eo amin'ny fanjakana sy ny tsy miankina ary koa ny fikarakarana ireo taninketsa any ifotony. Tsy mbola nandrenesam-peo ofisialy mikasika ny toerana sahaniny eo anivon’ny baolina kitra Malagasy kosa ny FMF “Federasiona Malagasin’ny Baolina Kitra”.

Ntsoavina Evariste