Sport

Nicolas Dupuis Nandalo tany Sambava sy Antalaha

Sport
Alatsinainy 30 Novambra 2020

Nijanona 3 andro tao Antalaha ny faran’ny herinandro teo ny mpanazatra ny

ekipam-pirenena malagasin’ny baolina kitra, Nicolas Dupuis, sy ireo mpiara-miasa aminy. Taorian'ny fandraisana nahafinaritra tao Sambava dia nihazo an'i Antalaha izahay, hoy izy. Betsaka ny zavatra nahafinaritra hitako tany Antalaha ankoatran'ny fandraisana nampihetsi-po nataon'ny olona. Nisy ny fialana hetaheta niaraka tamin'ireo mpikarakara sy ireo Barea fahiny taorian'ny fahatongavana. Taorian'izay dia nisy ny fitsidihana ny fambolena lavanila sy ny fikarakarana izany vokatra izany mialoha ny hanondranana azy any ivelany. Ity lavanila ity iarahantsika mahalala fa ny distrikan'i Antalaha no renivohiny maneran-tany. Nisy moa ny lalao ara-pirahalahiana nihaonan'ireo Barea fahiny sy ny FC Ambiance omaly alahady, raha ny tatitra nataony hatrany.

J. Mirija