Sport

Nicolas Dupuis Mpanolotsaina teknikan’ny governemanta hatreto

Sport
Zoma 23 Aogositra 2019

Mbola miandry ny fipetrahan’izay ho filoha vaovaon’ny federasionina malagasin’ny baolina kitra hatreto ny fitohizan’ny fifanarahana amin’ny mpanazatra ny ekipam-pirenena malagasin’ny baolina kitra teo aloha, Nicolas Dupuis.

Raha tsiahivina, ny 31 jolay teo no nifarana ny fifanarahana voalohany taorian’iny vokatra azon’ny Barea tany amin’ny CAN 2019 iny. Raha ny nambarany tetsy amin’ny Carlton Anosy omaly nandritry ny fisaorany ampahibemaso ireo mpanohana sy mpiara-miasa taminy ary ny mpitondra sy ny vahoaka malagasy kosa dia ny 24 aogositra izao, izany hoe, rahampitso no nifanarahana tany am-boalohany fa hanatanterahana ny fifanavaozan-tsoniam-piaraha-miasa aminy amin’ny maha mpanazatra ny ekipam-pirenena azy. Mandra-paha, hoy izy, aloha ny tenako dia efa nanao fifanarahana tamin’ny fitondrana malagasy fa ho mpanolotsaina teknikan’ny governemanta eo amin’ny sehatry ny baolina kitra ary isaorako ny vahoaka malagasy satria izy ireo no nangataka ahy mbola hijanona ka mahatonga ahy mbola aty Madagasikara.

J. Mirija