Sport

Nicolas Dupuis « Hokitihina kely ny Barea ! »

Sport
Talata 27 Aogositra 2019

Hoteteziko daholo manomboka any Eoropa ka hatrany Azia, hoy ny mpanazatra ny ekipam-pirenena malagasin’ny baolina kitra, Nicolas Dupuis, mba hitadiavana izay mbola azo hanatsarana ny firafitry ny Barea.

Tsy hohadinoina ihany koa ireo mpilalao avy eto an-toerana ary nahita nanaitra tamin’izy ireo aho, ohatra, tao Nosy be. Mbola te hanome bebe kokoa ho an’ny ekipam-pirenena sy ny vahoaka malagasy aho, hoy hatrany ity mpanazatra avy nanavao ny fifanarahany hatramin’ny 4 taona manaraka ity indray. Heveriko fa ilaina hokitihina kely ihany ny firafitry ny Barean’i Madagasikara ankehitriny, hoy ny fanazavany, ary amin’io volana septambra io no vinaniana hanaovana famondronana sahady mandritry ny lalaom-pirahalahiana iray.

J. Mirija