Sport

Nicolas Dupuis Azo atao ny manafatra ny FC Fleury 91 hihaona amin’ny Barea

Sport
Alatsinainy 04 Martsa 2019

Fantatra tamin’ny sabotsy 2 martsa teo teny amin’ny “Maison du Foot-ball Malgasy” eny Isoraka fa hotanterahina rahampitso talata 05

martsa ny fifanaovan-tsonia fiaraha-miasa eo amin’ilay mpanazatra Nicolas Dupuis sy ny Comité de normalisation ny baolina kitra Malagasy ny hitantanany ara-dalàna amin’izay sy mahafeno fepetra ny ekipam-pirenena Malagasy, ny Barean’i Madagasikara, hatramin’ny fahavitan’ny CAN 2019. Nohamafisiny fa hanao lalao ara-pirahalahiana any Luxembourg ny Barea ary handray ny ekipam-pirenen’i Kenya ao Parisy ihany koa ho fanomanana. Azo hafarana ho aty Madagasikara koa ny Fc Fleury tantanako, hoy izy, hihaona amin’ny Barea. Mialoha izany anefa dia ny lalao fifanintsanana famerenana hikatrohana amin’i Sénégal any Dakar amin’ny 23 martsa 2019 dia anisan’ny tafiditra ao anatin’ny fanomanana sahady an’ity CAN Egypte 2019 ity. Ho an’ny Barea, mpilalao 20 mirahalahy no hantsoiny hiatrika izany dia i BRAMS - LEDA – MELVIN, DEBA KELY - T.FONTAINE - PASCAL - J.MOREL - J.MOMBRIS - R.METANIRE, IBRAHIM - BAGGIO (Fosa) - ANICET - MARCO - ZOTSARA – DIMITRY, CAROLUS - NJIVA - PAULIN - IMA - WILLIAM - BÔLIDA (suspendu fa ao anaty groupe). I Dax tena ilaina, hoy i Nicolas Dupuis fa miankina amin’ny fanomezan-dalana homen’ny Comité de normalisation sy ny Fosa Juniors.

Ntsoavina Evariste