Sport

Natathlon � Dingana Faharoa Nampisongadina ny �Moufia Aquatik� i Nomena

Sport
Alarobia 10 Martsa 2010

Mbola tsara hatrany aloha ny vokatra azon�i Andrianirina Lalanomena Anthony izay miatrika ilay fifaninanana lomano ho an�ireo sokajy zandriny na ny �natathlon� izay efa niditra tamin�ny dingana faharoa ny fifanintsanana ny 28 febroary teo tao amin�ny dobo filomanosan�i St Andr� mirefy 50 metatra any La R�union.

Karazam-pifaninanana telo samihafa indray no nosedrain’i Nomena tamin’io dingana faharoa io. Anisan’izany ny 50m dos izay nahavitany fotoana 36’’45 ary nahalaharana fahadimy ny tovolahikely ary nanatsarany ny zava-bitany teo aloha (39’’28). Nohatsarainy ihany koa ny fotoana nahavitany ny 50m papillon izay lasa 33’’52 ary nahazoany ny laharana faharoa raha 34’’35 ny zava-bitany volana vitsy lasa izay. Laharana fahatelo kosa i Nomena teo amin’ny 400m quatre nage ka 5’47’’46 ny fotoana vitany.

Nampiaiky ny mpitantana ny klioba “le Moufia Aquatik” any Ste Clauthilde, izay misy azy nanomboka tamin’ny novambra 2008 teo mihitsy moa ny zava-bitan’i Nomena. Hiroso amin’ny dingana fahatelo farany ny fifanintsanana amin’ity fifaninanana natathlon any La Réinuion ity ny 28 martsa izao ary aorian’izay no hamaritana ireo mendrika rehetra afaka hiatrika ny fifaninanana rezionalin’ity nosy ity amin’ny fiandohan’ny volana mey. Izay sangany tafavoaka eo kosa no hisolo tena an’i La Réunion amin’ny fifaninanana nasioaly hatao any Frantsa ny 5-6 jona izao.

Hery Rabe