Nahazo medaly volamena indray i Laura

Lalao olympika any Parisy no tanjona

Sport
Zoma 15 Martsa 2024

Championne d'Afrique Junior 2023» na tompondakan’i Afrika teo amin’ny

sokajy zandriny 2023, «Championne d'Afrique senior 2023», izany hoe mbola tompondaka koa teo amin’ny sokajy zokiny, «Medaille d'or Jeux Africains 2024", izany hoe, nahazo medaly volamena indray fa amin’ny lalao afrikanina izy ankehitriny. Andihizan'i Laura Rasoanaivo ny Taranja Judo latsaky ny 70kg eto Afrika, araka izany. Raha efa voasokajy ho tsara toerana hahazo ny medaly volamena tamin'ity lalao afrikanina ity izy dia tsy nandiso fanantenana. Mora ho azy ny nandeha tamin'ny lalao famaranana omaly ary nandrombaka ny laharana voalohany. Ny avy atsy Kameronina, Zita Ornella, moa no nifandona taminy teo amin'ny lalao famaranana. Medaly volamena faharoa ho an'ny malagasy ity taorian'i Eric Andriantsitohaina, teo amin'ny Halterophilie na fibatana fonjamby. Ny tanjon'i Laura moa amin'ity taona ity dia ny lalao Olympika any Parisy ary efa miomana mafy ho amin'izany ny tenany, raha ny fampitam-baovao voaray hatrany.
J. Mirija