Sport

Mpitsara basketball Malagasy « En Ligne » no hiatrehan’izy ireo fanadinana iraisam-pirenena

Sport
Zoma 04 Janoary 2019

Mpitsara lalao basikety baolina Malagasy miisa 10 avy amin’ny ligin’ny basikety any Diana, Boeny, Atsinanana, Matsiatra Ambony, Vakinankaratra ary avy eto Analamanga no nisoratra anarana hiatrika ny fanadinana hampanaovin’ny FIBA

“Federasiona Iraisam –pirenen’ny basketball” hahazoana ny diplaoma “Arbitre Intenational” hahafahana mitsara lalao iraisam-pirenena. Araka ny fanazavana nomen’ny Sekretera Jeneralin’ny kaomision’ny mpitsara basikety Malgasy, Andriamananoro Andry, dia amin’ny faran’ny volana janoary 2019 izao no halefa FIBA ny anaran’izy ireo ka amin’ny volana martsa 2019 izy ireo no hiatrika ny fanadinana “En Ligne” hampanaovin’ny FBA mivantana sy ny “Epreuve physique” hampanaovin’ny CCA Malagasy ka halefa Vidéo any amin’ny FIBA ihany koa. Amin’ny volana jona 2019 no hivaly izany fanadinana izany ka hahafahan’izay afaka hitsara lalao iraisam-pirenena mandritra ny 2 taona dia miverina manao fanadinana indray avy eo. Marihana fa tafiditra ao anatin’ireo hanao fanadinana indray ireo mpitsara 3 mianadahy, Ranaivoson Haja sy Andrianiaina Sandratra ary Yann Vezo, noho ny efa nahavitan’izy ireo ny 2 taona nifanarahana amin’ity 2019 ity.

Ntsoavina Evariste