Sport

Mpitia baolina kitra Malagasy Hianoka lalao iraisam-pirenena 3 be izao ato ho ato

Sport
Talata 13 Novambra 2018

Ny ekipan’ny Fc Platinum avy any Zimbabwé no hifanandrina amin’ny Cnaps Sport Madagascar amin’ny lalao savaranonandon’ny fiadiana ny ho tompondakan’i Afrika andiany faha-23 eo amin’ireo

ekipa tompondaka raha ny ekipan’ny Deportivo Unidad avy any Guinée Equatoriale kosa no hifampitana amin’ny Elgeco Plus Madagascar eo amin’izay lalao savaranonando izay ihany fa ho an’ny fiadiana ny amboaran’i Afrika andiany faha-16 kosa. Samy eto amintsika no hanatanterahana an’ireo lalao mandroso ka ny efa azo antoka dia eny amin’ny kianjan’i Vontovorona no hanatanterahana ny fihaonan’ny Cnaps Sport sy ny Fc Platinum Zimbabwé amin’ny alarobia 28 novambra 2018 izao ary ho etsy amin’ny kianjan’i Mahamasina kosa no handraisan’ny Elgeco Plus ny Deportivo Unidad Guinée Equatoriale mety ho ny talata 27 na alarobia 28 novambra izao ihany koa. Ny talata 4 sy alarobia 5 desambra 2018 kosa no hanatanterahana an’ireo lalao miverina any Zimbabwé sy any Guinée Equatoriale.

Tsiahivina ihany fa eny amin’ny kianjan’i Vontovorona koa amin’ny alahady 18 novambra 2018 no handraisan’ny Barean’i Madagasikara ny ekipam-pirenen’i Soudan eo amin’ny fifanintsanana amin’ny CAN 2019.

Ntsoavina Evariste