Sport

Mpilalaon’ny Club M sy Scorpions de Madagascar fahiny Hiakatra ny kianja indray

Sport
Alakamisy 25 Aprily 2019

Avy amin’ny tsirin-kevitr’i Menakely Ruphin no nanambarany fa hatsangana tsy ho ela ny fikambanan’ireo mpilalao fahiny nandrafitra ny Club M sy ny Scorpions de Madagascar tamin’ny fotoan’androny.

Amin’ny sabotsy 27 aprily izao manomboka amin’ny 4ora tolakandro dia hiakatra kianja etsy amin’ny “Stadium Elgeco Plus” etsy Dorodosy-Ambohijanaka By Pass izy ireo ka hikatroka amin’ny ekipa veteran AFC Ambiance avy any Antalaha izay manoman-tena fatratra ihany koa fa hiatrika lalaom-pirahalahiana 4 atsy amin’ny nosy La Réunion manomboka amin’ny 2 mey 2019 izao. Azo antoka, hoy i Menakely Ruphin, ny ahitan’ny mpitia baolina kitra eto Antananarivo indray an-dry Me Kira, Abdou, Clément, René, Dezy Monstre, Franck, Mamisoa, Menakely, Tipeh … Nohafarana koa, hoy izy, i Lanziz sy Alban any Mahajanga fa asa na ho tratran’izy ireo ny sabotsy na tsia. Marihina fa tsy hisy vidim-pidirana io lalao io.

Ntsoavina Evariste