Sport

Mpilalaon�ny Barea Atao fatra-tsaonjo any amin�ny hotely

Sport
Alatsinainy 12 Oktobra 2015

Mba voninahi-pirenena ihany no arovana ary tapakila ho any amin�ny Mondial 2018 hatao any Rosia no anirahana azy 18 lahy nofantenanana tao anatin�ny maro, fa raha ny fampiantranoana aloha dia tsy mendrika an�izany.

Fatra-tsaonjo, ladina an-tany, fandriana mifampitaingina, maromaro no iray efitrano, manoatra noho ny any amin’ny kilasimandry. Miteny ho azy ny sary. Tian’ny mpikarakara haseho amin’izao ve fa mahantra ny Malagasy ?

Aza hadinoina fa anisan’ny antoky ny fahombiazan’ny ekipam-pirenena anie ny fisian’ny filaminana sy fitonian-tsain’ny mpilalao e ! Efa eto Madagasikara ihany ny lalao no atao ary raharaham-pirenena izy ity, maninona no tsy eny amin’ilay hotely kintana dimy eny amin’ny CCI Ivato ny Barea no napetraka ?

Na izany aza, mendri-piderana ireo mpilalao sy ny mpanazatra ary ny mpijery tonga maro teny Mahamasina nanohana ka nahazoan’ny Barea iny fandresena 3 no ho 0 nanoloana an’i Centrafrique iny tamin’ny lalao mandroso tetsy Mahamasina ny sabotsy 10 oktobra teo. Ho sarotsarotra ihany anefa ny famerenan’aina taorian’iny lalao iny, hanomanana ny fiatrehana ny lalao miverina rahampitso talata, eo Mahamasina, raha tarafina amin’io fanaovana fatra-tsaonjo ireo mpilalao io.